കൊട്ടാരക്കര:
കൊട്ടാരക്കര നഗരസഭ കേളി അക്ഷരക്കൂട്ടം ബാല യുവസമിതിയുടെ ആഭിമുഖ്യത്തിൽ കേരള ശാസ്ത്ര സാഹിത്യ പരിഷത്തിന്റെ സഹായത്തോടെ സോപ്പ് നിർമ്മാണ പരിശീലന പദ്ധതി ആരംഭിച്ചു . ഇന്ന് രാവിലെ കൊട്ടാരക്കര ഗവ. വി എച്ച് എസ് ഇ സ്കൂളിൽ നടന്ന ചടങ്ങ് നഗരസഭാ ചെയർപേഴ്സൺ അനിത ഗോപകുമാർ ഉദ്ഘാടനം ചെയ്യുന്നു.
വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സരോജ കാർത്തിക അധ്യക്ഷത വഹിച്ച ചടങ്ങ് പൊതുമരാമത്ത് സ്റ്റാൻഡിങ് കമ്മിറ്റി ചെയർപേഴ്സൺ എസ് ആർ രമേശ്, മടന്തകോട് രാധാകൃഷ്ണൻ , ശശിധരൻ പിള്ള , കെർമിറ്റ്സ്, രാജേഷ്, ആശ, എന്നിവർ സംസാരിച്ചു. കേരള ശാസ്ത്ര സാഹിത്യ പരിഷത്തിന്റെയും ഐ ആർ റ്റി സി യുടെയും പ്രതിനിധികളായ എം അനിൽ, സലിം സേട്ട്, അനിൽ ബാബു, കലാധരൻ എന്നിവർ സോപ്പ് പരിശീലനത്തിന് നേതൃത്വം നൽകി
പഠനത്തോടൊപ്പം ജോലിയും എന്ന ആശയം കേളി അക്ഷരക്കൂട്ടത്തിലൂടെ കുട്ടികളിലേക്ക് കൊട്ടാരക്കര നഗരസഭ യാഥാർത്ഥ്യമാക്കുകയാണ്.
വാർത്തകൾ നൽകാൻ ഇവിടെ ക്ലിക്ക് ചെയ്യു
>
